تواصل معنا عبر الفيسبوك
| ||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||
خلص، خلص، خلص!!! وقّف!!! أنا مش حابب أكمّل هالماراثون!» 😣
بهذه الكلمات أنها ربيع حنا ابن مدينة شفاعمرو المارثون الأول له في لارنكا. وعن السباق تحدث وقال
هاي الكلمات اللي دارت براسي وأنا في أصعب لحظات ماراثون لارنكا.
لكن خلّونا نرجع للبداية…
📅 يوم الأحد، 15 نوفمبر 2026
📍 لارنكا – قبرص 🇨🇾
🏃♂️ 42.2 كيلومتر
❤️ حلم كبير وأشهر من التدريبات وراي.
ركضت، ضحكت، حكيت مع عدّائين من دول مختلفة، والتقطت الصور، وحسّيت إني جزء من عيلة واحدة كبيرة.
لحد الكيلومتر الـ33، كل إشي كان تحت السيطرة. وتيرة ممتازة، تنفّس منتظم، وكل الأمور ماشية حسب الخطة.
وبعدين بلّشت المعركة الحقيقية…
الرجلين صاروا ثقيلات، التعب سيطر على كل عضلة بجسمي، ونبضات قلبي وصلت لـ180! 💓🔥
جسمي كان يصرخ: «خلص، بكفّي!»
وصلت للحظة كنت فيها على وشك البكاء.
بهديك اللحظة تذكّرت كل الصباحات اللي صحيت فيها بكير، وكل الكيلومترات اللي ركضتها، وكل الناس اللي آمنت فيّ.
وقلت لحالي: «إنت ما وصلت لهون عشان توقّف!»
خطوة ورا خطوة… نفس ورا نفس…
وفجأة شفت خط النهاية! 🏁
رفعت راسي، أعطيت كل القوة اللي ضلّت عندي، وأنهيت الماراثون بقوة!
⏱️ 3 ساعات و58 دقيقة!
🏃♂️ 42.2 كيلومتر!
🏅 أقل من أربع ساعات!
هاي الميدالية مش مجرد قطعة معدن… هاي الميدالية بتحكي قصة الطريق اللي قطعتها، والتعب، والتضحيات، والإصرار.
شكر كبير من القلب لمدربي ساسي دوري (ששי דורי)، على إيمانه فيّ، واحترافيته، وقلبه الكبير. ❤️🙏
وشكر لعيلتي الرياضية B-TOGETHER، ولكل شخص بعتلي رسالة أو كلمة تشجيع.
اليوم فهمت إشي مهم:
أنا مش بس أنهيت ماراثون… أنا انتصرت على اللحظة اللي كنت فيها على وشك الاستسلام.
طلعت من بيتي وأنا حامل حلم… ورجعت وأنا ماراثوني! 🏅❤️
والآن؟ وُلد حلم جديد! ✨
لأن خط النهاية لحلمٍ ما، هو خط البداية لحلمٍ جديد.
🏁 ماراثون لارنكا 2026
🏃♂️ 42.2 كيلومتر
⏱️ 3:58
❤️ وذكرى رح تضل معي طول العمر





