ويلقي قصيدة بالمناسبة

الى امي الحنونه

امي مثل كل الامهات طيبة وكلها حنونه 
امي مفتونه بابويه وعاشقه نظره عيونه
امي نجمة ليل ماغمض جفنها 
والقمر سلهم جفونه

امي طباعها من طباع ارض الرافدين 
شما قسه وجاها الوقت تبقى ام الخير والست المصونه
ياما ربة ياما لولة ياما سهرت ياما ضحت 
ياما شالت ضيم لو عالجبل جااا هدلن متونه

والي يحب امه ياعالم لا تلومونه 
تحت جدم الامهات الله قال الجنة مرهونه

وذكرت امي بغربتي ووحشة الليل وسكونه 
وعاتبتني وين صرتوا وين رحتوا 
دوريناكم يايمه شمالكم ماتدلونه

يايمه دولبنه الوقت بين الدول حفاي نفتر
نطلب من الجان يطلب منه عونه
يمه رحنه ابابهم كلنه نتوسل 
والشهادات الي عدنه شققوها وقرروا ماشغلونه 
والشريف البينه نادر شغلوا يغسل صحونه
يايمه دارك دار عزنه والفخر كل الفخر يم دار ابونه

يمه طولتوا السفر والغيبة طالت صار مده وماتجونه 
وانتظرناكم يايمه والصبر زاد وتبده وفاض ماعونه
يبني ردوا لقاعكم ولدار اهلكم والوقت غير ضنونه

باجر نرد لوطنه ومانسيناهم يايمه خاف همه الي نسونه 

ماعدنه ذنب يا يمه ويه اهلنه الذنب ذنب اهلنه الضيعونه

الذنب ذنب اهلنه الضيعونه

مجموعة صور التقطت بعدسة موقع الغزال الاول في الشمال