زجل المسيحُ الحَيّ رساله خالده بقلم :اسماء طنوس المكر

        حامل رسالِه للبشر فادينـــا يسوع

                            تَيِهدي قلوب النـّاس للرّبِّ سُبحــانُـه

      ينَوِّر دُروب العتمِه ويِمسح الدُّموع

                            ويِرْجَع الإنسان لرَبُّه بكـُــلّ إيمــانُــه

     يرجــع إلــو نَــدمـان وِبكُلِّ خُشـوع

                            ياللّي انغمَر بِمحبِّتُه من بَعدِ حِرمانُه

     يسـوع المعـلّـم جال تَيْــعلِّـم جُـموع

                           آياتُــه اللّــي صنَــع تَمَّــت لِبُـرهانُــه

    أعطى فُرَص جديدِه للنّاوي الرُّجوع

                            مِثْـلِ الإبـِن لَبَــيُّه راجــع لِأحضـانُه

     هُوَ الطّبيبُ الشّافـي لِجسـد مَوْجوع

                           بقُوِّةِ الرّوح بتُخرُج الأرواح بِسُلطانُه

      وَهُوَ الطَّـعامُ اللّـي بيــسِـدِّ الجــوع

                            طعامُه للجوعان ومَشرَب لِظَــمآنُـه

     واللّي لِرَبُّه جـاي تَــيْقَـدِّم خُضــوع

                            راح يِلقى مِنّو الرَّحمِه يسِدّ نُقصانُه

    اللّي شفى الأعمى مُقعَد ومَصـروع

                            بلَمسِة إيديهِ الشّافْيِه مَنَحلُه غُفرانُـه

    أعطانا مِنّو النّور تَنْضَـوّي الشّموع

                            خَلّانا مِلْحَ الأرض تَنداوي النُّفوس

              المسيحُ حَيٌّ للأبَد راح يبقى زمانُه