موشحات  بدنا العيشِه الهَنِيِّه – بقلم أسماء طنوس المكر 

خَلّوا العــيشِـه هَنِـيِّـه 

ما بِدنا حروب

خَلّيـنا نِـبــقى سْـوِيِّـه

في كُـلِّ الــدروب

____________ 

بتِبقى الدِّنيي ضَحكانِه

بِشْروقِ الشَّمـس 

منِلقَى الِوْجوه حليانِه

ما فيـهـا عَـبْس

ما بِدنا قلوب زعلانِه

ولا بِدنا النَّحس

بِدنا قلوب الفرحانِـه

 سُكَّر بيذوب

____________ 

لا تخَلِّ الفرحه مِنّـَك

تُهرُب وِتْطيـر

إرمِ الِهـمـومِ عَـنَّـك

لا تْكُن أَسـير

لا تْخَلِّ شيء يْهِزَّك

لَوْ كان مَرير

إفرح غَنِّ وِاتهَـنّى

هذا المَطلوب