عَ أيدو الحنوني    شعر:زهير دعيم

بأيام الصّقعة  ووقت البَردْ

يسوع بيدفّيني

بعطرِ الزَّهر وورق الوَردْ

بيجي وبيغطّيني

وبهمسة شِعر وهمسة سَردْ

 حُبّو بيغفّيني

ما أحلى النُّومة مع يسوعْ

عَ إيدوا الحَنوني

بِعْبُطني  وبمسَح دُموعْ

سالتْ مِنْ عُيوني

يا ناس ما عاد رُجوعْ

عَ صَدرو خَلّوني

صُبحيّة مع العصفورْ

بَروح اصليلو

بوجه خاشع كُلّو نورْ

بِرْكع مْقابيلو

يا إمّي هاتي الفطورْ

تَيباركو بيمينو