زجل  السّلامُ دَوا القلوب  - بقلم أسماء طنوس المكر 

______________________________  

سلامُ الرَّبِّ جانا   ----   جايِ تَنّو يداويـنا 

للمـحبِّـه دعـانـا   ----  بالروحِ يُسكُن فيـنا  

________________________ 

هذا ســلامُ الرَّبِّ   ----   فِيّو الشِّفا  للقـلبِ 

رَشّ وَردُه عَالدَّربِ ----  وِاحلَوَّت  لَيالينا  

_________________________   

كُلُّ الشَّرِّ عَنّا انزاح ---- وِالقلِب مِنّو ارتاح

صارَت لَيالينا مْلاح ---- بنِعمِة ربّي تْقَوِّينا  

_________________________ 

وِسلامُه رَشُّه عَدْروب----قَلَع مِنها كُلّ حْروب

شِعارُ السِّلمِ مَرغوب ---- فِيّو فْرِحنا وغَنّينا   

_________________________    

وِالحربِ مِنِ الشَّيطان---- وِالسِّلمِ مِنِ الرَّحمان  

ونِحنا صلّينا بإيمان ----  وِالرَّبِّ استَمَع لينـا   

_________________________   

توبوا واشكُروا الإله ---- يا اللّي ما نْجينا لَوْلاه

سُبحانُه ربّي ما اغلاه---- برَحِمنُه حَنَّ علينا